Москвада ОДКБнын Коопсуздук кеңешинин жыйыны болуп жатат. Иш-чарага Кыргызстандын Президенти Садыр Жапаров катышууда. Өлкөлөрдүн жетекчилери аймактык коопсуздукту камсыз кылуу, терроризм менен күрөшүү жана өз ара кызматташтыкты бекемдөө маселелерин талкуулашууда.
Жыйындын алкагында бир катар маанилүү документтерге кол коюлушу пландалууда. Алардын ичинде 2030-жылга чейинки антитеррористтик стратегия бар.
Ошондой эле, лидерлер Армениянын уюмдун ишине катышуусун токтотуп, мүчөлүк акыларды төлөбөй жаткан абалын өзгөчө көңүлгө алышууда. Бул боюнча Ереван үчүн мүмкүн болгон чектөөлөр каралууда.
Мындан тышкары, ОДКБдагы төрагалыкты Тажикстанга өткөрүп берүү маселеси да талкуунун бир бөлүгү болуп саналат.
