Өмүр баяны жана билими

Сейитбек Аматов 1955-жылы 2-ноябрда Кара-Суу районунун Сарай айылында туулган. Ал 1978-жылы Ош мамлекеттик педагогикалык институтун, 1998-жылы К.И. Скрябин атындагы Кыргыз айыл чарба институтун аяктаган. Адистиги — биология жана химия мугалими, окумуштуу агроном. Педагогика илимдеринин кандидаты, доцент илимий наамга ээ болгон.

Эмгек жолу

Эмгек жолун 1970-жылы Кара-Суу районундагы Киров атындагы колхоздо колхозчу болуп баштаган. Кийинчерээк Киров атындагы орто мектепте дене тарбия мугалими, андан соң Кара-Суу шаарындагы интернатта мугалим болуп иштеген.

  1. 1970–1972

    Кара-Суу районундагы Киров атындагы колхоздо колхозчу

  2. 1972–1973

    Киров атындагы орто мектепте дене тарбия мугалими

  3. 1973–1978

    Ош мамлекеттик педагогикалык институтунун биология-химия факультетинин студенти

  4. 1978–1980

    Киров атындагы орто мектепте жана Кара-Суу шаарындагы интернатта мугалим

  5. 1980–1984

    Кыргызстан ЛКЖС Кара-Суу райондук комитетинде инструктор жана уюштуруу бөлүмүнүн башчысы

  6. 1984–1985

    Кыргыз ССР Коммунисттик партиясынын Кара-Суу райондук комитетинин айыл чарба бөлүмүндө инструктор

  7. 1985–1986

    Кара-Суу райондук агроөнөр жай бирикмесинин (РАӨБ) төрагасынын биринчи орун басары

1986-жылдан 1991-жылга чейин Ош айыл чарба техникумунун окуу-тарбия иштери боюнча директордун биринчи орун басары болуп эмгектенген. Кийинчерээк ушул эле окуу жайдын директору кызматын аркалаган.

Коштоп жатышат

Сейитбек Аматов 2025-жылдын 30-октябрында дүйнөдөн кайтты. Сөөгү 31-октябрда Кара-Суу районунун Киров айылында коюлат.