Нарын шаардык сотунун өкүмү боюнча, К.Т. 2026-жылдын 10-августунда Нарын шаарынын бир районунда спирт ичимдигин ичип жүрүп, жабырлануучу Р.У. менен таанышкан. Андан соң алар дүкөндөн алкоголь сатып алышып, жабырлануучунун үйүнө барышып, ичүүнү улантышкан.
Ичип отурушканда алардын ортосунда пикир келишпестик чыгып, ал өз ара урушка айланган. Ошол маалда соттолуучу жанындагы бычакты алып, жабырлануучунун көкүрөгүнө сайып, андан соң дагы бир нече дене жаракатын келтирген. Соттук-медициналык экспертизанын корутундусуна ылайык, жабырлануучунун ден соолугуна оор зыян келтирилген.
Сот К.Т.нын аракетин атайылап оор дене жаракатын келтирүү катары баалады. Соттолуучу өз күнөөсүн мойнуна алды. Анын айтымында, жабырлануучу менен ошол эле кечинде, саат 22:00–23:00 чамасында шаардын бир районундагы отургучта таанышкан. Жабырлануучу үйүндө эч ким жок экенин айтып, аны үйүнө чакырган.
Алар дүкөнгө кирип, жабырлануучу арак сатып алган, ал эми соттолуучу газдалган суусундук алган. Андан кийин жабырлануучунун үйүнө барышкан. Соттолуучунун версиясы боюнча, үйдө алар кол күч сынашып, армрестлинг ойношкон, ошондон улам чыр чыккан.
Ошол таанышуу күнү, кечки саат 22:00–23:00 чамасында шаардын бир районундагы отургучта отурган. Ал мага үйүндө эч ким жок экенин айтып, чакырды.
Сот К.Т.ны күнөөлүү деп таап, 5 жылга эркинен ажыратуу чечимин чыгарды. Иштин материалдары Кыргыз Республикасынын Сот актыларынын мамлекеттик реестринде жарыяланган.
