Нарын облустук бириккен ооруканасынын билдирүүсүнө таянсак, аймакта дарыгерлердин жетишсиздигин азайтууга багытталган бир катар иш-чаралар ишке ашырылууда.

СторисНарын облусуна жаңы дарыгерлер келди жана медициналык объекттер курулуудаСлайддар: 5
  1. Нарын облусуна жаңы дарыгерлер келди жана медициналык объекттер курулууда
  2. 36 дарыгер — тогуз ай ичинде облуска келген адистер
  3. 27 дарыгер — «Жаш дарыгер» программасы боюнча иштеп жаткан адистер
  4. Жаңы курулуштар: Нарын шаарындагы төрөт бөлүмүнүн жаңы имараты; Тез жардам станциясы жана кабыл алуу бөлүмү; Кочкор районундагы жалпы дарыгерлик практика борбору
  5. Турак жай. Башка региондордон келген адистер үчүн Нарын шаарында жана Кочкор районунда кызматтык батирлер бөлүнгөн.

Ушул жылдын тогуз айынын ичинде облуска 36 дарыгер тартылган. Ошондой эле облустук медициналык мекемелерде 30 ординатор жана 22 дарыгер практикалык даярдыктан өтүүдө.

36дарыгер келди
30ординатор даярдалууда
22дарыгер даярдалууда
27«Жаш дарыгер» программасы боюнча иштеп жатат

Адистерди тартуу жана алардын ишине шарт түзүү максатында «Жаш дарыгер» депозити программасы колдонулууда. Башка региондордон келген адистерди турак жай менен камсыздоо үчүн Нарын шаарындагы жана Кочкор районундагы жаңы ипотекалык турак жай комплекстеринен 20дөн 40га чейин кызматтык батир бөлүнгөн. Учурда дарыгерлерди жайгаштыруу боюнча иштер жүрүп жатат.

Жаңы медициналык объекттердин курулушу

Азыркы учурда облус боюнча медициналык инфраструктураны кеңейтүү максатында жаңы имараттардын курулушу уланууда. Тактап айтканда, Нарын шаарында төрөт бөлүмүнүн жаңы үч кабаттуу имараты, кабыл алуу бөлүмү, тез жардам станциясы жана №5 үй-бүлөлүк дарыгерлер тобунун имараттары курулууда. Ошондой эле Кочкор районунун жалпы дарыгерлик практика борборунун курулушу жүрүп жатат.