Кыргызстанда жайыттарды сарамжалдуу пайдалануу, деградацияга учураган жерлерди калыбына келтирүү жана мал чарбасынын тоют базасын чыңдоо боюнча программа иштелип чыкты. Бул тууралуу Айыл чарба министрлиги билдирди.
Ведомствонун маалыматына ылайык, программа президенттин тапшырмасы менен даярдалган. Республикада болжол менен 10 миллион гектар жайыт жери бар.
Акыркы жылдардагы жетишкендиктер
2023–2025-жылдары деградацияга учураган 34 миң 376,5 гектар жайытка чөп үрөндөрү себилген. Быйыл 186 тонна үрөн сатылып алынып, себүү иштери уланууда.
Деградацияга учураган жайыттардын жалпы аянты 184 миң гектарды түзөт, алар негизинен калктуу конуштарга жакын жайгашкан.
Деградация боюнча негизги көрсөткүчтөр
Программанын негизги багыттары
- Жайыттарга чөп үрөндөрүн себүү
- Отоо чөптөргө каршы күрөшүү
- Мал жаюу жүгүн жакынкы жайыттардан алыскыларга которуу жана которуштуруп пайдалануу
- Үрөн себүү үчүн тракторлорду жана дрондорду колдонуу
- Жергиликтүү үрөнчүлүк чарбаларды өнүктүрүү
Алыскы жайыттарды өздөштүрүү үчүн инфраструктура
Алыскы жерлерди натыйжалуу пайдалануу үчүн республика боюнча 553 көпүрөнү жана 7 миң 206,3 чакырым жайыт жолдорун оңдоо, мал сугаруучу 406 пункт куруу жана сүт чогултуучу 170 танкер орнотуу зарыл.
Керектелүүчү инфраструктура
Негизги максат — жайыттардын өндүрүмдүүлүгүн жогорулатуу, алардын деградациясын алдын алуу жана мал чарбасын өнүктүрүү.
Программаны тиешелүү министрликтер, мамлекеттик органдар жана райондук администрациялар өз ыйгарым укуктарынын алкагында ишке ашырышат.
Миң күндүк реформанын алкагында 2030-жылга чейин жайыт инфраструктурасын жакшыртуу, жолдорду жана көпүрөлөрдү оңдоо иштери улантылат.
