Министрлик 11 жылдык мектеп билим берүүсү жана 12 жылдык окуу мөөнөтүнө этап-этабы менен өтүп жаткан класстар үчүн базистик окуу пландарын бекиткен. Бул өлкөнүн билим берүү системасындагы маанилүү өзгөрүүлөрдү чагылдырат.
12 жылдык билим берүүгө өтүүнүн экинчи этабында 1, 2, 3, 5, 7 жана 8-класстарда окуу процесси жаңыланган билим берүү программалары жана окуу-методикалык комплекстери аркылуу жүргүзүлөт. Мындан тышкары, жаңы окуу жылынан баштап 8-класстарда жумасына эки сааттан турган предпрофилдик компонент киргизилет.
Ал эми 3, 4, 9, 10 жана 11-класстарда окуу 11 жылдык мектеп үчүн иштелип чыккан билим берүү программалары жана окуу-методикалык комплекстери боюнча уланат. Бирок 3-9-класстар үчүн «Англис тили» предмети боюнча окуу-методикалык комплекстери жаңыланат.
Окуу жылынын мөөнөттөрү жана эс алуулар
Бекитилген окуу пландарына ылайык, өлкөдө өткөрүлө турган ири мамлекеттик жана эл аралык иш-чараларга байланыштуу 2026-2027-окуу жылы Кыргызстандын бардык жалпы билим берүү уюмдарында 2026-жылдын 15-сентябрында башталып, 2027-жылдын 25-майында аяктайт.
Окуу жылынын узактыгы (жайкы каникулдарды кошпогондо)
2026-2027-окуу жылына карата мектеп каникулдарынын графиги да аныкталды:
- Күзгү каникул: 2026-жылдын 11-ноябрынан 15-ноябрына чейин (5 календардык күн). Окуучулар сабакка 16-ноябрда киришет.
- Кышкы каникул: 2027-жылдын 1-январынан 10-январына чейин (10 календардык күн).
