КР Саламаттык сактоо министрлигинин маалыматы боюнча, жолугушуу Түркияда өткөн 12-эл аралык саламаттык сактоо конгрессинин алкагында уюштурулду. Дамир Осмонов бул иш-чарага катышуу үчүн Түркияга барган.
Тараптар саламаттык сактоо тармагындагы актуалдуу маселелерди, анын ичинде эки өлкөнүн ортосундагы кызматташтыктын келечегин жана кесиптик тажрыйба алмашуу мүмкүнчүлүктөрүн талкуулашты.
Медициналык камсыздандыруу жана жардамдын сапаты
Жолугушууда медициналык камсыздандырууну уюштуруу маселесине өзгөчө көңүл бурулду. Ошондой эле медициналык жардамдын жеткиликтүүлүгүн жана сапатын камсыз кылуунун ыкмалары каралды.
Министрлер улуттук саламаттык сактоо системаларынын өзгөчөлүктөрүн эске алуу менен эл аралык тажрыйбаны үйрөнүүнүн жана алдыңкы практикалар менен алмашуунун маанилүүлүгүн белгилешти.
