Кыргызстан Шанхай кызматташтык уюмуна анын 25 жылдыгы болгон жылы төрагалык кылууда. Өлкөбүз үчүн бул чоң сыймык жана жогорку жоопкерчилик гана эмес, ШКУнун негизги принциптерин жана баалуулуктарын өнүктүрүүгө жаңы дем берүүчү тарыхый мүмкүнчүлүк.
Бул тууралуу «Кабар» улуттук маалымат агенттигинин директору Медербек Шерметалиев ШКУ-2026 ЖМК жана аналитикалык борборлор форумунун ачылышында сүйлөп жатып билдирди.
«Кабар» УКМАнын директору дүйнө болуп көрбөгөндөй ылдамдык менен өзгөрүп жатканын белгиледи. Санариптик технологиялардын өнүгүшү маалымат алмашууну бир топ жеңилдеткени менен, ошол эле учурда дезинформацияны, маалыматтык манипуляцияларды, киберкоопсуздукка коркунучтарды жана коомдук пикирге тышкы таасирди жайылтууга байланыштуу жаңы чакырыктарды күчөттү.
Мындай шарттарда жоопкерчиликтүү журналистика, кесипкөй аналитика жана фактыларга негизделген маалымат саясаты чечүүчү мааниге ээ.
