Бишкек шаарынын Садыгалиев көчөсүндө курулуп жаткан турак жай комплексинде курулуштун баштапкы этаптарында батирлерди жарнамалоо фактысы аныкталды. Бул мыйзам бузуунун натыйжасында курулуш компаниясынын лицензиясынан ажыратылды.
Курулуш, архитектура жана турак жай-коммуналдык чарба министрлигине караштуу Мамлекеттик архитектура-курулуш контролдоо департаментинин билдирүүсүнө ылайык, Садыгалиев көчөсү, 3 жана 3/2 даректеринде жайгашкан объектке ыкчам текшерүү жүргүзүлгөн.
Текшерүүнүн жыйынтыгында аталган объект 2026-жылдын август айында Мамлекеттик бирдиктүү курулуш реестрине катталганы белгиленди. Бул долбоор төрт блоктон турган, 16ден 23 кабаттуу турак жай комплексин камтыйт.
Курулуш министри Нурдан Орунтаевдин буйругу менен курулуш компанияларына мындай жарнамалоо боюнча алдын ала эскертүүлөр берилген болчу. Бирок, эскертүүлөргө карабастан, «СК Нобель» ЖЧКсы жарнамалоо иштерин улантып келген.
Мыйзам бузуулар аныкталгандан кийин, компаниянын уруксат берүүчү документтери жокко чыгарылып, курулуштун толугу менен токтотулушу тууралуу чечим кабыл алынды.
