Бишкек шаардык кенешинин турак жай-коммуналдык чарба, отун-энергетикалык комплекс, транспорт, коммуникациялар жана экология боюнча туруктуу комиссиясы шаар мэриясынын жеке мобилдик каражаттарды колдонуу тууралуу токтомунун аткарылышын карап чыкты.
Бишкек шаардык кенешинин депутаты Рысбай Аматов шаардагы жолдордогу кырдаал абдан баш аламан экенин белгилеп, тротуарлардан электросамокаттардын, өзгөчө мопеддердин кыймылын көзөмөлгө алууну сунуштады.
Биз бир тротуарды бир нече тилкеге бөлө албайбыз. Алар өзү да тар. Электросамокаттар менен канча жөө жүрүүчүлөрдү сүзүп кетишүүдө? Алар жогорку ылдамдыкта келип, жөө жүрүүчүлөр реакция көрсөтүүгө жетишпейт. Балдарды сүзүп кеткен учурлар да болот. Жарандардын самокат айдаган укугу бар экенин айтсак да, бул жөө жүрүүчүлөрдүн өлүмүнө себеп болбошу керек. Альтернативдик варианттарды таап, алар жүрө турган көчөлөрдү аныкташ керек. Эгер зарыл болсо, тротуарлар бир гана жөө жүрүүчүлөргө гана калышы үчүн толук тыюу салууну киргизсек болот.
Укук коргоо органдарынын өкүлү болгон Жол кыймылынын коопсуздугун камсыздоо инспекциясынын (УПСМ) берген маалыматына ылайык, жолдун жүрүүчү бөлүгүндө электросамокаттар үчүн өзүнчө тилкелерди бөлүп берүү авариялардын жана жол кырсыктарынын көбөйүшүнө алып келиши мүмкүн.
Депутат Казыбек Эргешов шаардык бюджетке салык төлөгөн компаниялардын кызыкчылыгын эмес, биринчи кезекте шаар тургундарынын кызыкчылыгын эске алуу керектигин айтты.
Бишкек шаарынын вице-мэри Рамиз Алиев бул тыюу салуу ижарага алынган жана жеке менчик болгон бардык түзүлүштөргө тиешелүү болорун белгиледи.













