Бишкек шаардык кеңешинин тиешелүү комиссиясынын жыйынында УПСМ өкүлдөрү самокаттар менен байланыштуу жол кырсыктарынын статистикасы тууралуу маалымат беришти. Алардын айтымында, шаарда жеке мобилдүүлүк каражаттарынын колдонулушу коом үчүн олуттуу коркунуч жаратууда.

Кырсыктардын жыйынтыгы

28жол кырсыгы
1өлгөн адам
31жабыркер

Патрулдук кызматкерлердин маалыматы боюнча, самокаттардын ылдамдыгын саатына 15 километрге чейин чектөө киргизгенден кийин, алардын катышуусундагы авариялардын саны эки эсеге азайган. Бирок, скутерлерге жана мопеддерге тротуарлар менен жүрүүгө тыюу салынган, алар жолдун өзү менен жүрүшү керек.

Депутат Казыбек Эргешов өз оюнду айтып, электросамокаттардын жана мопеддердин жөө жүрүүчүлөр үчүн коркунуч туудуруп жатканын белгиледи. Анын айтымында, тротуарлар тар жана бузулган болгондуктан, адамдар кырсыктан сактана албай жатышат.

Электросамокаттар, скутерлер жана мопеддер жөө жүрүүчүлөр үчүн коркунуч болуп саналат, алар атайын тилкеси жок тротуарлар менен жүрүүгө тыюу салынышы керек. Бирдиктүү жолдордун тармагы болушу керек, ал эми артыкчылык жөө жүрүүчүлөргө берилиши зарыл.
Казыбек Эргешов, депутат

Патрулдук кызматтардын түшүндүрмөсүнө караганда, самокат айдоочулары жолдор менен жүрө албайт, себеби аларда габариттик жарыктар жана айдоочулук күбөлүктөр жок. Бишкек шаарынын вице-мэри Рамиз Алиев бул маселе шаардыктар үчүн чыныгы көйгөй экенин моюнга алды.

Вице-мэрдин айтымында, жеке мобилдүүлүк каражаттарынын агымын жөнгө салуу зарыл. Учурда шаарда болжол менен 80 километр веложолдор бар, бирок жеке самокаттарды көзөмөлдөө кыйынчылыктарды жаратууда.