Бишкек шаарынын мэриясынын маалыматы боюнча, 28-октябрга карата саат 17:00гө чейин муниципалдык «Бишкекжылуулукэнерго» ишканасынын абоненттеринин 91% жылуулукка кошулду. Калган абоненттерди кошуу боюнча иштер уланууда.
Жылуулукту ишке киргизүү мезгилинде система акырындык менен жылуулук алып жүрүүчү суюктукка толуп, адистер жабдууларды этап-этабы менен ишке киргизип, жөнгө салышат. Бул процесс убакытты талап кылат, ошондуктан системаны жөндөөгө жана жабдууларды текшерүүгө кошумча убакыт кетиши мүмкүн. Ушул мезгилде ысык суунун убактылуу үзгүлтүккө учурашы ыктымал.
Мэрия 28-октябрда 10-кичирайондун, Куруучулар шаарчасынын жана Энергетиктер шаарчасынын тургундары жылуулуктун жоктугуна даттанышканын белгиледи. Бул райондор быйыл «Бишкекжылуулукэнерго» ишканасынын тейлөөсүнө өткөрүлгөн.
Даттанууларга жооп иретинде ишкана бул кичирайондорго жылуулукту эртең, 29-октябрда, «Бишкекжылуулуктармак» муниципалдык ишканасы менен биргеликте бере баштоону пландап жатканын билдирди.
«Бишкекжылуулукэнерго» жылуулукту кошуу этап-этабы менен жүргүзүлөрүн эскертти. Биринчи кезекте жылуулук социалдык мекемелерге — мектептерге, бала бакчаларга, ооруканаларга жана төрөт үйлөрүнө берилет. Андан кийин калган абоненттер кошулат.
Ишкана тургундардан келип чыккан ыңгайсыздыктар үчүн кечирим сурап, жүргүзүлүп жаткан иштерге түшүнүү менен мамиле кылууну өтүндү.
Кайрылуу үчүн байланыш
Эгерде жылуулук жок болсо, жабдууларда бузулуу байкалса же жылуулук менен камсыздоого байланышкан башка көйгөйлөр келип чыкса, тургундар ишкананын төмөнкү күнү-түнү иштеген диспетчердик кызматына чала алышат:
