Троллейбустарды электробуска айландыруу боюнча эксперимент дагы деле уланууда. Бул тууралуу шаардык кенештин туруктуу комиссиясынын жыйынында «Бишкек шаардык транспорту» муниципалдык ишканасынын директору Бактияр Болотбеков маалымдады.

Анын айтымында, учурда жалпы эки троллейбус электробуска айландырылган. Бирок техникалык мүнөздөмөлөрдүн өзгөрүшүнө байланыштуу, эксперттердин корутундусу боюнча, бул транспорт каражаттарын мамлекеттик органдарда каттоодон өткөрүү мүмкүн эмес экени аныкталган.

Транспорттук көрсөткүчтөр

2электробуска айландырылган троллейбус
4 млнсомунун тең болгон бир бирдиктин баасы
65шаарда калган троллейбус
100Ош шаарына берилген троллейбус
Эксперттердин корутундусу боюнча, техникалык мүнөздөмөлөр өзгөргөндүктөн, бул транспорт каражатын мамлекеттик органдарда каттоо мүмкүн эмес. Бирок биз бул маселени иштеп чыгуудабыз. Эгерде каттоо маселеси оң чечилсе, анда калганын да электробуска айландырабыз.
Бактияр Болотбеков

Бул маселе чечилмейинче, электробустар паргын кеңейтүү мүмкүнчүлүгү чектелүү бойдон калууда. Ошондой эле, шаардагы 19 электр подстанциясы башка коммуналдык кызматтарга бөлүштүрүлгөн.

Бишкек шаары эки жылдан ашык убакыттан бери троллейбус кызматысыз иштеп келет. Шаар бийлигинин пикири боюнча, электр зымдары шаардын көрүнүшүн бузуп, жол кыймылын иреттөөгө тоскоолдук жаратпаган учурда, «ачык асман» идеясын ишке ашыруу максатында бул чечим кабыл алынган.