Антимонополиялык жөнгө салуу кызматы Кыргызстандагы АИ-95 үлгүсүндөгү бензиндин тартыштыгынын себептерин түшүндүрдү. Бул маселе орусиялык компаниялардын жеткирүүлөрдү чектеши менен байланыштуу деп белгиленди.

Экономика жана коммерция министрлигине караштуу Антимонополиялык жөнгө салуу кызматынын табигый монополияларды жана доминанттык структуралардын рынокторун жөнгө салуу бөлүмүнүн башчысы Лариса Шустикова радио эфиринде мындай деп билдирди:

Орусиялык компаниялар өздөрүнүн бизде иштеген филиалдарына 95-бензинди берүүнү чектешти. Ошол эле учурда үч ири мунай трейдери ишин улантууда, аларда запас бар, бирок логистикага байланыштуу жоголгон көлөмдү толуктай албай жатышат.
Лариса Шустикова

Шустикова ошондой эле айрым май куюучу жайлардын убактылуу жабылышы ар дайым эле күйүүчү майдын жетишсиздигине байланыштуу боло бербестигин кошумчалады.

Эгерде сиз айрым май куюучу жайлардын жабылганын көрсөңүз, бул жолдорду оңдоо, аларды кеңейтүү менен да байланыштуу болушу мүмкүн. Башкача айтканда, жабылышы мындай факторлорго да байланыштуу болушу мүмкүн.
Лариса Шустикова