Борбор Азиянын тарыхый мурасын заманбап форматта таанытуу максатында жаңы мультимедиялык долбоор сунушталууда. Көргөзмөнүн борборунда Аман-кыз аттуу каарман жана анын жол көрсөтүүчүсү Кайберен аркылуу байыркы чийим таштардын сырлары ачылат. Бул саякат Талас облусундагы Жалтырак-Таштын таш сүрөттөрүнөн башталып, бүткүл аймакты камтыйт.
Мамлекеттик маданият, маалымат жана жаштар саясаты министрлигинин маалыматы боюнча, долбоорду ишке ашырууда беш өлкөнүн адистери биргелешип иштешкен. Археологдор таштын мазмунун изилдесе, салттуу билимдин ээлери оозеки уламыштар менен бөлүшүшкөн.
- 2026-жылдын 24-ноябры
Көргөзмөнүн расмий ачылышы саат 12:00дө болот
- 2026-жылдын 6-декабры
Экспозициянын иштөө мөөнөтү аяктайт
Бул эл аралык долбоор ALIPH фондунун колдоосу жана Европа Биримдигинин каражаты менен ишке ашырылган. Анда Борбор Азиядагы байыркы сүрөттөрдүн маданий мааниси жана аларга байланышкан уламыштар мультимедиялык ыкма менен көрсөтүлөт.










