22-июлда Гапар Айтиев атындагы Улуттук көркөм сүрөт музейинде «Улоо. Мугалим жана окуучу» аттуу көргөзмөнүн ачылышы өтөт. Бул көргөзмө мурунку жана азыркы муундардын искусстводогу салтын уланып жаткандыгын көрсөтөт.
Көргөзмөдө сүрөт тартуу, графика жана керамика жаатындагы чыгармалар көрүүчүлөргө сунушталат. Алар ар түрдүү муундун сүрөтчөлөрүнүн чыгармачылык издөө жолдорун чагылдырат.
Долбоордун башкы максаты — устаттардан жаш таланттарга чыгармачылык тажрыйба, кесиптик билим жана искусствонун салттарын өткөрүп берүү, муундардын уландысын сактап, улуттук көркөм искусствону өнүктүрүү.
Бул жылкы экспозицияда белгилүү сүрөтчү жана мугалим Сталбек Токтоев менен анын окуучулары: Б. Темиров, Н. Кенжеев, М. Асеин уулу, А. Темиров, К. Тере, Т. Сейитбек кызы, Т. Сапарбек уулу, Л. Оболбек кызы жана Р. Мамытбеков катышат.
Көргөзмө конокторго устат менен анын окуучуларынын тирүү чыгармачылык диалогун көрүүгө мүмкүнчүлүк берет.
Ачылыш 22-июлда саат 16:00дө Бишкек шаары, Абдрахманов көчөсү, 196 дарегинде өтөт.
Көргөзмө 22-июлдан 7-августка чейин коноктор үчүн ачык болот.
Азырынча комментарий жок. Биринчи болуңуз!
Жакшыраак сунуштарды алуу үчүн кириңиз
