Кыргызстанда АКШдан келген жаңы кулпунай сортторун жана өсүндү тарбиялоонун заманбап ыкмаларын киргизүү натыйжалуу болду. Бул кадамдын аркасында кулпунайдын түшүмдүүлүгү үч эсеге чейин жогорулаган. Дэвис шаарындагы Калифорния университетинин (UC Davis) маалыматына ылайык, үч жыл мурун бул мөмө жашылчаны өндүрбөгөн айылдар эми жылына 1 миллион доллардан ашык суммадагы продукцияны экспорттоп жатышат.
Кыргызстан менен кызматташтык 2024-жылы башталган. Тилек Токтогазиев жетектеген Кыргыз Республикасынын ягодоводдор ассоциациясы Калифорнияга барып, UC Davis университетинин кулпунай селекциялоо программасы жана жергиликтүү ягода бизнеси менен таанышкан. Сапардын жыйынтыгында тараптар келишимге кол коюшкан, бул ассоциацияга Америкалык сорттор менен иштөөнү баштоого мүмкүнчүлүк берди.
Кызматташтык жаңы сортторду жеткирүү менен гана чектелбеген. Калифорниялык адистер Кыргызстанга келип, жергиликтүү фермерлерге сугаруу, өсүмдүктөрдү азыктандыруу жана бактарды күтүү сыяктуу заманбап ыкмаларды үйрөтүшкөн.
Агрономдор мектеби
Ягодаводдор ассоциациясы агрономдор үчүн акысыз мектеп уюштуруу менен да натыйжалуу иш алып барууда. Өлкөнүн 40 районунан келген 300ден ашык талапкердин арасынан 50 фермер тандалып алынган. Мектептин катышуучулары алган билимдерин өз аймактарындагы башка фермерлерге өткөрүп берүүгө милдеттенген.
Ийгиликтүү ягода бизнесинин мисалдарынын бири катары Кадамжай айылы көрсөтүлүүдө.












