Материалдар: 5
Улаанбаатар жана бир катар ири мегаполистер автобустарда пластик билеттерди колдонбой, анын ордуна смартфондор аркылуу төлөм кылууну өздөштүрүүдө. Бул көз караш жалпы дүйнөлүк трендге айланып, Пекин, Сеул, Лондон сыяктуу шаарларда кеңири жайылууда.
Кытай тарабынан Boeing жана Airbus компанияларынын атаандашы катары түзүлгөн C919 учагы эл аралык рейстерге кирди. Учак күн сайын Пекин менен Улан-Батор шаарларынын ортосунда учуп, жаңы каттамды ишке киргизди.
III Эл аралык жасалма интеллект олимпиадасы Казакстандын борбору Астана шаарында өтүп, дүйнөнүн ар кайсы өлкөлөрүнөн келген өкүлдөр катышты. Казакстандын президенти Касым-Жомарт Токаев санариптик өнүгүүнүн стратегиялык маанилүүлүгүн жана жасалма интеллекттин мамлекеттик башкаруудагы ролун баса белгиледи. Олимпиаданын жеңүүчүлөрүнө Telegram мессенджеринен 106,5 миң доллардан ашык сыйлыктар берилери да белгилүү болду.
Кыргызстандын делегациясы Кытайга барып, минералдык жер семирткичтерди өндүрүү боюнча кызматташтык тууралуу сүйлөшүүлөрдү өткөрдү. Визиттин жыйынтыгы менен Кыргызстандагы жаңы заводдо иштөөчү адистер үчүн Кытайда окуу жана тажрыйба алуу боюнча келишимдер кол коюлду.
Кытай Эл Республикасынын улуттук авиакомпаниясы Air China Пекин менен Бишкек шаарларынын ортосунда туруктуу авиакаттамдарды ишке киргизди. Рейстер Airbus A321 учактарында, аптасына үч жолу — дүйшөмбү, ишемби жана жекшемби күндөрү аткарылат.
