Жалал-Абад облусунда кош бойлуу аялдарга көзөмөл күчөтүлдү. Буга чейин облустун ар бир районунда жана шаарында аз камсыз болгон үй-бүлөлөрдөгү, төрөт аралыгын сактабаган жана ден соолугу кооптонууну жараткан кош бойлуулардын тизмеси түзүлгөн.
Бул иш-чара президенттин Жалал-Абад облусундагы ыйгарым укуктуу өкүлүнүн аппарат жетекчиси Манас Пазылбековдун айтымында, балдар өлүмүн азайтуу, тубаса оорулардын алдын алуу жана энелердин өлүмүнө жол бербөө максатында күчөтүлдү.
Статистика: өткөн жылдагы жоготуулар
Өткөн жылы облуста
Бул жылы 8 ай ичинде 17 миңден ашуун төрөт катталып, 97 бала чарчап калган. Ата-энелер менен сурамжылоо жүргүзүлүп, дарыгерлерге кайрылуулар жасалган. Негизги себептер менен иштөө аракети көрүлүүдө.
Жыйындарда жана талкууларда бир катар маселелер көтөрүлдү: аз камсыз болгон жана кедей үй-бүлөлөрдө дары-дармек менен витаминдер өз убагында кабыл алынбайт, аялдар төрөткө даярданбайт, кош бойлуулуктар арасындагы аралык сакталбайт.
Жергиликтүү бийлик органдары жана дарыгерлер үй-бүлө мүчөлөрү менен күйөөсүнүн туугандары тарабынан жаш аялдарга колдоо көрсөтүү зарылдыгы тууралуу баарлашууларды өткөрүшөт. Айрым жергиликтүү өз алдынча башкаруу органдары кош бойлууларга колдоо көрсөтүүдө.







