Бишкек шаарынын вице-мэри Рамиз Алиев шаардык кеңештин турак-жай-коммуналдык чарба, отун-энергетика, транспорт, коммуникация жана экология боюнча туруктуу комиссиясынын жыйынында «Тазалык» муниципалдык ишканасынын чыгымдарынын өсүшү тууралуу билдирди. Анын айтымында, акыркы төрт жылда ишкананын абоненттик базасы эки эсеге көбөйүп, күйүүчү-майлоочу майлардын баасы кымбаттаган. Мэрия ишкананын жоготууларын компенсациялоо үчүн субсидия бөлүүнү суранууда.
Рамиз Алиевдин айтымында, 2022-жылы «Тазалыктын» абоненттик базасы 540 миңди түзсө, азыр 1 миллион 80 миңге жеткен. Ошондой эле, 2022-жылы ишкана 6 миң чарба жүргүзүүчү субъектти тейлесе, учурда алардын саны 20 миңден ашты.
“
Бирок дагы бир көйгөй бар — баалар. 2022-жылы тариф бекитилгенде 1 литр күйүүчү-майлоочу майдын баасы болжол менен 60 сом болсо, азыр «Тазалык» аны 87 сомдон сатып алууда. Ошол эле учурда акыркы эки жылда ишкана Социалдык фонд жана Салык кызматынын алдындагы карыздарын төлөдү. Бирок чыгымдар көбөйүп, шаар кошулган аймактардын эсебинен үч эсеге чоңойду — жумуш көлөмү бир нече эсеге өстү.
Мэрия «Тазалыкка» жоготууларын компенсациялоо үчүн субсидия бөлүүнү суранууда.
Вице-мэр кошумчалагандай, таштанды өрттөөчү заводго Бишкек келишим боюнча күнүнө 1 миң тонна, же жылына 365 миң тонна таштанды жеткириши керек.
“
Таштанды кабыл алгандыгы үчүн азыр 440 сомдон төлөп жатабыз, 1-январдан тарта тариф 17 долларга чейин көтөрүлөт, башкача айтканда үч эсеге. Бул «Тазалыктын» бюджетине жана тарифтин көтөрүлүшүнө таасирин тийгизбейби? Бул өз ара байланыштуу эмеспи?
Бүгүн биз тарифтин көтөрүлүшү тууралуу сөз кылып, «Тазалыкты» субсидиялоонун башка булактарын издеп жатабыз. Жеке компаниянын буга тиешеси жок. Учурдагы утилизация суммасы...
