Өлкөнүн башкы каржы регуляторунун маалыматы боюнча, жүргүзүлгөн текшерүүлөрдүн негизинде Жалал-Абад облусундагы бир алмашуу бюросуна айып пул салынды. Мындан тышкары, Ысык-Көл облусунда тиешелүү лицензиясы жок накталай чет элдик валюта алмаштыруу операцияларын жүргүзгөн бир жаран да айып төлөөгө милдеттендирилди.
Салынган айып пулдар
55 000сом (алмашуу бюросуна)
17 500сом (жаранга)
Валюта операцияларын жөнгө салуу эрежелерин бузгандыгы үчүн эки алмашуу бюросунун иши убактылуу токтотулган. Алар:
- «Про мани» алмашуу бюросу (Бишкек шаары, Московская көчөсү, 86а). Иши 2026-жылдын 25-июлунан 27-июлуна чейин убактылуу токтотулган.
- «Лидер 07» алмашуу бюросу (Талас облусу, Манас району, Май айыл аймагы, №34 контур, «Чоң-Капка» көзөмөл-өткөрүү пунктунун жаны). Бул бюронун иши 2026-жылдын 24-июлунан 7-августуна чейин токтотулган.
Бул чаралар Улуттук банк тарабынан валюта рыногундагы тартипти жана мыйзамдуулукту камсыз кылуу максатында кабыл алынды.
