Ысык-Көл облусунун Түп районунда 7-8-ноябрь күндөрү өткөрүлгөн тарых жана ата-бабалардын эс тутум күндөрүнө карата иш-чара болуп өттү. Бул иш-чарага акимдиктин өкүлдөрү, Ветерандар кеңешинин төрагасы Мирбек Баркалбасов, Түп райондук коммунисттик партиянын катчысы Замир Батырканов жана мектеп окуучулары катышты.
Иш-чаранын алкагында катышуучулар кыргыз элинин тарыхындагы эң оор жана трагедиялуу окуяларды эске алып, минут тынчтык койду. Алар өткөн чактын тагдыры жана келечек жөнүндө ой жүгүртүүлөрдү бөлүшүп, атайын даярдалган слайд-шоуну көрүштү.
- 1916-жылдагы Үркүн окуясындагы трагедиялар
- Советтик мезгилдеги саясий куугунтуктар, ссылкалар жана массалык репрессиялар
- 1938-жылы элдин 137 уулунун курман болушу
- Кыргызстан көз карандысыздыкка ээ болгондон кийин мекендин бүтүндүгү үчүн чек арада курман болгон жаштар
