Музыкалык теория боюнча өткөн VIII эл аралык чыгармачылык конкурста сольфеджио олимпиадасынын жеңүүчүлөрү аныкталды. Бул тармакта мектептин окуучулары мыкты билимдерин жана музыкалык угуу жөндөмүн далилдеп, биринчи орундарды ээленди.
Сольфеджио боюнча жеңүүчүлөр
Инструменттик багыттарда да өзгөчө натыйжалар катталды. Мисалы, Алматы шаарында өткөн «Тумар» конкурсунда барабанчы Алан Исмаилов «Ударные инструменты» номинациясы боюнча Гран-при утуп алды. Аны мугалим Рахим Боромбаев даярдаган.
Испаниядагы Super Grand Prix эл аралык конкурсунда бүтүрүүчү Джантай Молдобаев Гран-принин ээси болду. Анын ийгилигине насаатчы Виктория Васильева салым кошкон.
«Ритм Art Asia» эл аралык конкурсунда пианист Ясмина Атахаджаева Гран-при утуп алса, флейтачы Таисия Сергеева өз номинациясында биринчи орунду ээленди. Таисияны мугалим Зирек Меркибаева жана концертмейстер Наиля Хасанова даярдашкан.
Комузчулардын «Нуска» ансамбли Түркия менен Румыниянын ортосундагы эл аралык конкурста 10 жаштан 13 жашка чейинки жаш аткаруучуларды бириктирип, кадырлуу экинчи орунду алды. Коллективдин көркөм жетекчиси Марина Айдыралиева.















