Мамлекет башчысы Талас облусуна болгон сапарында тургундар менен жолугушуп, алардын кайрылууларын укту. Жолугушууда бир айым мурдагы айыл өкмөтүнүн башчысы болгон күйөөсүнүн иши боюнча кайрылып, анын адилетсиз соттолгонун айтты. Ал күйөөсүнүн мамлекетке 3,7 миллион сом зыянды төлөп берүүгө милдеттендирилгенин билдирди.
Мамлекеттик органдардын өкүлдөрү бул кылмыш иши Талас районунун Чоң-Токой айылындагы 3,5 чакырымдык ички жолду оңдоого байланыштуу экенин түшүндүрүштү.
Миллиард бөлдүк — 300 миллион уурдалды!
Каражат максаттуу пайдаланылышы керек
Садыр Жапаров бул ишке комментарий берип жатып, башка шаарларда да бюджеттик каражаттарды уурдоо учурлары аныкталганын эске салды. Ал жергиликтүү бийлик органдарынын жетекчилерин мамлекеттик каражаттарды пайдаланууда жеке жоопкерчиликке чакырды.
Президент чиновниктер аткарбаган иштер боюнча отчет берип, бөлүнгөн акчаны өздөштүрүү практикасынан баш тартуу зарылдыгын белгиледи. Ал бюджеттик каражаттар катуу максаты боюнча жумшалышы керектигин, ал эми долбоорлорду ишке ашырууда үнөмдөлгөн акча мамлекетке кайтарылышы керектигин, өзүнө калтырууга болбой турганын баса белгиледи.
Акимдерге, мэрлерге жана айыл өкмөтүнүн башчыларына кайрылып, президент мындай мыйзам бузууларга жол бербөөгө чакырды. Ал эми айымдын күйөөсүнүн иши боюнча Садыр Жапаров жазуу жүзүндөгү кайрылуу берүүнү сунуштады.
