президента Садыр Жапаров Талас шаарынын, Талас жана Бакай-Ата райондорунун тургундары менен жолугушуп, аймактардын өнүгүүсүнө байланыштуу маалымат берди. Жолугушууда Бакай-Ата районунун бюджети 2021-жылы 90 млн сом болсо, 2025-жылдын жыйынтыгы боюнча 134 млн сомго жеткени айтылды.

Бакай-Ата районунун бюджети

90млн сом 2021-жылы
134млн сом 2025-жылы

Мамлекет башчысы 2026-жылы Бакай-Ата районунда 12 объектинин курулушуна 226 млн сом каралганын, 1-октябрга карата 176 млн сом бөлүнгөнүн белгиледи.

Ранее по темеЫнтымак айылынын тургуну президенттен «Калинин» каналын реконструкциялоо мөөнөтүн сурады: суунун 50% кумга сиңип кетет
Бюджеттин өсүшү өзү эле жетиштүү натыйжа бербейт. Эң негизгиси, бөлүнгөн ар бир сом элдин жашоосун жакшыртууга багытталышы керек. Ошондуктан мамлекеттик каражаттарды пайдаланууда тартипти, ачыктыкты жана жоопкерчиликти биринчи орунга коёбуз.
Садыр Жапаров, Кыргыз Республикасынын Президенти

Талас районунун бюджети да олуттуу өскөн. 2021-жылы райондун өздүк кирешеси 202 млн сом болсо, 2025-жылдын аягында 541 млн сомго жетип, 2,7 эсеге көбөйгөн.

Талас районунун бюджети

202млн сом 2021-жылы
541млн сом 2025-жылы

Жапаров Талас районунда 26 объектиде оңдоо жана жол куруу иштерине, таза суу менен камсыздоого жана ирригацияны өнүктүрүүгө 366 млн сом бөлүнгөнүн, анын 345 млн сому 1-октябрга чейин берилгенин кошумчалады.