Рустам Абдигапуровдун кичи иниси жазасын өтөөдөн бошотулду. Ал экстремизм боюнча айыпталган учурда Кыргызстанга экстрадицияланган жаран болгон. Бул маселе президент Садыр Жапаровдун Аксы районунун тургундары менен болгон жолугушууда көтөрүлгөн эди.

Абдигапуровдун билдирүүсүнө таянсак, анын иниси эки күн мурун эркиндикке чыккан. Учурда ал Бишкек шаарында, эң улуу эжесинин үйүндө жүрөт. Документтерди тартипке келтиргенден кийин, эртең ал айылына жөнөйт.

Бул маселени президентке айткандан кийин, мага ооруканадан байланышып, маалыматты такташты. Кичи иним келгенде, биз Бишкекке барып, текшерүүдөн өтөбүз. Мурда башка иним донор боло алган эмес, эми ушул инимден үмүт кылам. Президентке помилоо үчүн ыраазычылык билдирем.
Рустам Абдигапуров

Буга чейин президент Садыр Жапаров тиешелүү кызматтарга бир айдын ичинде помилоо маселесин чечүү жана дарылоого көмөктөшүү боюнча тапшырма берген. Айыпталуучу жарандын жазасын өтөөгө дагы 3 жыл убактысы калган.

Медициналык чыгымдар боюнча маалымат

4500гемодиализ алган адамдар
15 000жылдык чыгым (доллар)
8 000бөйрөк которуу чыгымы (доллар)