Иссык-Көл районунун жана Балыкчы шаарынын тургундары менен болгон жолугушууда жаш нейрохирург Сейиль Абылгазиева өзүнүн кырдаалы менен бөлүштү. Ал мамлекеттик бюджеттик бөлүмдүн бүтүрүүчүсү катары эки жылдык иш тартибин аткарууга даяр эмес болсо, окутууга кеткен чыгымдарды төлөп берүү мүмкүнчүлүгү бар экенин белгиледи. Бирок, анын айтымында, Кыргыз мамлекеттик медициналык академия мындай мүмкүнчүлүктү берген эмес.

Мен окуу жайга үч жолу, ал эми Саламаттык сактоо министрлигине эки жолу келдим. Көптөгөн студенттерге контракт акысын төлөөгө мүмкүнчүлүк берилбегенинин далилдери бар. Мен АКШда үч жолу стажировка утуп алганмын, эпилепсия жана Паркинсон ооруларын дарылоо методикасын Кыргызстанга алып келгим келген. Бирок министрликтин себебинен стажировкаларымдын баары күйүп кетти. Мен ведомствога сотко кайрылып, Жогорку сотко чейин жеттим. Ал эми министрлик мага жумушка кирбегеним үчүн жарандык тартипте сотко берди. Мага иш тартибин аткаруу үчүн шарт түзүлбөдү — мени Талас облусуна, нейрохирургия бөлүмү жок жана айлыгы өтө төмөн болгон ооруканага эки жылдыкка жөнөтүштү. Мындай шартта оорулууларды кантип дарылайм, билбейм.
Сейиль Абылгазиева