Sotheby’s аукцион үйү Нью-Йоркто өткөн соодада нанотиранн динозаврынын скелетин 47,3 миллион долларга сатты. Бул жыйынтык алгачкы божомолдон бир топ жогору болду: уюштуруучулар 6дан 9 миллион долларга чейин киреше күтүшкөн.
Джоди скелети тууралуу
«Джоди» деген каймана атка ээ болгон скелет аукциондо сатылган экинчи эң кымбат байыркы жаныбардын сөөгү болуп калды. Буга чейин ушул эле жайда тираннозаврдын «Гас» аттуу скелети 50,1 миллион долларга сатылып, рекорд койгон.
Соодалашуу болжол менен 12 мүнөткө созулуп, ага телефон жана интернет аркылуу дагы беш адам катышкан. Жеңүүчү алардын бардыгынан озуп кетти.
Нанотиранн деген эмне?
Нанотиранн жакында эле тираннозаврдын жаш түрү эмес, өзүнчө бир уруу катары таанылган. Ал бойго жеткен тираннозаврдан болжол менен эки эсе кыска болгон, бирок анын алдыңкы буттары салыштырмалуу узунураак, колдорунда чоң тырмактары жана бычак сымал ичке тиштери болгон.
Эки түр тең болжол менен 67 миллион жыл мурун, бор мезгилинде жашаган. Джоди бул динозаврдын бүгүнкү күнгө чейин белгилүү болгон үч скелетинин бири.
Скелет 2019-жылы Монтана штатындагы ранчодон табылган. Ага ошол ранчонун ээси Джодии Пирсондун ысымы ыйгарылган.
