Аукционго коюлган бул Adidas Azteca тобу 1986-жылкы Дүйнө чемпиондугунун чейрек финалында Аргентина менен Англиянын ортосундагы беттештин экинчи таймында колдонулган. Жергиликтүү маалымат каражаттары жазгандай, дал ушул топ менен Диего Марадона адегенде кол менен гол киргизип, андан соң төрт мүнөттөн кийин англиялык кураманын жарым командасын алдап өтүп, «кылымдын голун» жасаган.
Белгиленгендей, дээрлик 40 жыл ичинде топ бир топ эскирип, формасын жоготкон. Бирок, бул анын баасын төмөндөткөн жок, тескерисинче, баасы өсүп жатат.
Соода-сатык 2,5 миллион доллардан башталып, лот үчүн 10 миллион долларга чейин киреше алуу пландалууда.
Буга чейин, 2022-жылы, ошол эле топ 2,37 миллион долларга сатылган, демек, азыркы баа төрт эседен ашык жогорулашы мүмкүн. Эгерде сатып алуучу табылса, бул эскирген топ ошол эле беттеште Марадона кийген жана 9,2 миллион долларга сатылган футболкадан да кымбат болуп калышы ыктымал.
