Кыргыз Республикасынын Экономика жана коммерция министрлиги «Ала-Тоо» соода-базар комплексин атайын салык режими менен соода аймагындагы ишмердүүлүккө салык колдонулган базарлардын тизмесине киргизүү жөнүндө Министрлер кабинетинин токтомунун долбоорун коомдук талкууга койду.
Документ 2025-жылдын 9-сентябрындагы № 575 «Кыргыз Республикасынын Салык кодексинин 414, 457 жана 461-беренелерин ишке ашыруу чаралары жөнүндө» Министрлер кабинетинин токтомуна өзгөртүү киргизүүнү карайт.
Документтен
Атайын салык режими түрүндөгү соода аймагы Министрлер кабинети тарабынан аныкталган соода базарларынын аймагында иш жүргүзгөн салык төлөөчүлөргө колдонулат
Долбоордун маңызы
Долбоорго ылайык, колдонуудагы токтомдун 2-тиркемеси «Ордо Курулуш Компани» ЖЧКсына таандык (ИНН 01407200610379) «Ала-Тоо» соода-базар комплексин камтыган 18-пункт менен толукталат.
Негиздеме-маалымкатта белгиленгендей, документти иштеп чыгууга «Ордо Курулуш Компани» ЖЧКсынын 2026-жылдын 13-октябрындагы Мамлекеттик салык кызматына «Ала-Тоо» соода-базар комплексин тийиштүү тизмеге киргизүү өтүнүчү менен кайрылуусу негиз болгон.
Ишкерлер үчүн мааниси
Экономика министрлигинин түшүндүрмөсүнө ылайык, сунушталып жаткан өзгөртүүлөр «Ала-Тоо» комплексинин аймагында иштеген ишкерлерге атайын салык режимин колдонуу мүмкүнчүлүгүн берүүгө, ошону менен салыктык администрациялоону жөнөкөйлөтүүгө багытталган.
