Мамлекеттик чек ара кызматынын төрагасы Абдикерим Алимбаев Лейлек районунун Ак-Суу айылына жумушчу сапары менен барды. Анын максаты чек ара аймактарындагы тосмолорду куруу иштеринин жүрүшү менен таанышуу болду.
Сапардын жүрүшүндө аскер кызматкерлери Абдикерим Алимбаевге тосмолорду сапаттуу куруунун ыкмаларын көрсөтүштү. Алар мамыларды канчалык терең орнотуу керектигин жана аларды эмне үчүн капкак менен жабуу зарылдыгын түшүндүрүп беришти.
Жыйынтыгында, генерал-майор аскер кызматкерлерине аткарган кызматтары үчүн ыраазычылык билдирип, аларды Кыргызстан эли толугу менен колдоорун баса белгиледи.
