Каза болгон аялдын классташтарынын билдирүүсү боюнча, эркек аялына балта менен сокку уруп, андан соң сөөгүн сууга салып жиберген. Үйдө үч жашы жете элек бала энесиз калды.
Социалдык тармак колдонуучулары каза болгон аялдын жеке жашоосундагы жагдайларга да көңүл бурушту. Аял никеде тогуз жыл болгон. Бул анын никеге 16 жашында, бойго жете элек кезинде турганын көрсөтөт.
Окуя тууралуу маалыматты Баткен облустук ички иштер башкармалыгынын басма сөз кызматы тастыктады. Укук коргоо органдары кылмыштын бардык жагдайларын аныктоо үчүн иликтөө иш-чараларын жүргүзүүдө.
