Кыргызстандын Министрлер Кабинетинин төрагасы Адылбек Касымалиев COP31 саммитинде өлкөнүн климаттык артыкчылыктарына болгон берилгендигин тастыктаган улуттук билдирүү менен чыкты. Анын айтымында, Кыргызстан кайра жаралуучу энергияны өнүктүрүү, табигый ресурстарды сарамжалдуу пайдалануу жана климаттын туруктуулугун чыңдоо боюнча иш-аракеттерди жүргүзүүдө.
Саммитте климаттык каржылоо маселесине өзгөчө көңүл бурулду. Адылбек Касымалиев өнүгүп келе жаткан тоолуу өлкөлөрдүн климаттын өзгөрүшүнө ыңгайлашуу үчүн каржылоого болгон муктаждыгы менен эл аралык колдоо көлөмүнүн ортосундагы чоң айырманы белгиледи.
- Климаттык каржылоого жетүүнү жөнөкөйлөтүү
- Административдик тоскоолдуктарды жоюу
- 2035-жылга чейин жыл сайын 1,3 триллион долларды мобилизациялоо
Мындан тышкары, Министрлер Кабинетинин төрагасы уникалдуу экосистемаларды, атап айтканда Ысык-Көлдү сактоо маселесин көтөрдү. Ал БУУнун Баш Ассамблеясынын 81-сессиясында Президент Садыр Жапаров тарабынан Ысык-Көлдү сактоо боюнча эл аралык трастовый фонд түзүү демилгеси жарыяланганын эске салды.
