Ак-Суу районунун мугалими Асель Акматалиева Казакстанда өткөн эл аралык конкурста ийгиликтерге жетишти. Ал «Борбордук Азиянын мыкты педагогу» наамын утуп алып, биринчи даражадагы диплом, төш белги жана атайын кубок менен сыйланды. Мындан тышкары, анын иштеген мектебинин жетекчилигине уюштуруучулар ыраазычылык кат жөнөтүштү.
Асель Акматалиева педагогика тармагында 15 жылдык тажрыйбага ээ. Ал Чолпон-Ата шаарынан, К. Тыныстанов атындагы Ысык-Көл мамлекеттик университетинде «Педагогика» адистиги боюнча жогорку билим алган.
Айрым маалыматтарга таянсак, ал мурда да бир катар конкурстарда байраак орундарды ээлеп келген. Мисалы, 2025-жылы райондук «Жыл мугалими» конкурсунда биринчи орунду алган.
Асель Акматалиеванын үй-бүлө мүчөлөрү анын кесибине терең түшүнүү менен мамиле кылып, ар дайым колдоп келишет.














