Кыргызстанда никаб үчүн айып пулду эки эсе азайтуу сунушталууда

Кыргызстанда коомдук жайларда жана мамлекеттик мекемелерде жүздү толук жабууга тыюу салган мыйзамга өзгөртүү киргизүү каралууда. Жаңы долбоор боюнча, айып пулдун өлчөмү 200 эсептик көрсөткүчтөн (20 миң сом) 100 эсептик көрсөткүчкө (10 миң сом) чейин кыскарат.

Стористи көрүү

1. Коомдук жайларда никаб үчүн айып пулду төмөндөтүү сунушталууда
2. Коомдук жайларда жүзү толук жабууга тыюу салуу мыйзамына өзгөрчө киргизүү каралууда. Жаңы долбоор боюнча айып пулдун өлчөмү кыскарышы күтүлүүдө.
3. Чет элдик жарандар үчүн эреже бузуунун биринчи жолу айып пулдун ордуна эскертүү берилет. Кайраланса, айып пул салынат.
4. 20 миң сом — Эски айып пул өлчөмү
5. 10 миң сом — Жаңы айып пул өлчөмү
6. Негизги өзгөрүүлөр: Айып пул 200 эсептик көрсөткүчтөн 100 эсептик көрсөткүчкө чейин кыскарышы; Чет элдик жарандарга биринчи жолу эскертүү берилиши; Бир жыл ичинде кайталанса, 10 миң сом айып пул салынышы
7. Жогорку Кеңештин кароосуна коюлган мыйзам долбооруна ылайык, коомдук жайларда жүзүн толук жабуу үчүн айып пул 20 миң сомдон 10 миң сомго чейин төмөндөтүлүшү мүмкүн. Чет элдик жарандарга биринчи жолу эскертүү берилет.

Документ Жогорку Кеңештин сайтында коомдук талкууга коюлду. Ал Укук бузуулар кодексинин 127-1-беренесине өзгөртүү киргизүүнү көздөйт, ал мамлекеттик мекемелерде жана коомдук жайларда жүздү толук жабууга жоопкерчиликти белгилейт.

Чет элдиктерге эскертүү

Негизги өзгөрүү чет элдик жарандарга тиешелүү. Долбоорго ылайык, аларга биринчи жолу эреже бузгандыгы үчүн айып пулдун ордуна эскертүү берилет. Эгерде бир жыл ичинде кайталанса, анда 10 миң сом айып пул салынат.

Ошол эле учурда, чет элдик жарандар мыйзамда каралган учурларда өздүгүн тактоо үчүн жүзүн убактылуу ачууга милдеттүү бойдон калат.

Демилгечилер муну Кыргызстанга жүздү жапкан кийим диний жана маданий салттын бир бөлүгү болгон өлкөлөрдөн туристтер келгени менен түшүндүрүшөт. Алардын айтымында, айып пулду азайтуу өлкөнүн туристтик имиджин жакшыртууга багытталган.