Жаңы окуу жылынын алдында «Кабар» агенттиги Бишкектеги канцелярдык товарлардын жана мектеп формасынын актуалдуу бааларын чогултуп, сатуучулардан жана ата-энелерден 1-сентябрга баланы даярдоо канчага турарын сурап билди. Толугураак маалыматтар агенттиктин материалында келтирилген.

Канцелярия буюмдарынын баалары

Окуу жылы башталганга чейин ата-энелер биринчи кезекте дептер, калем, карандаш жана башка мектептик буюмдарды сатып алышат. Товарлардын баасы түрүнө, сапатына жана өндүрүүчүсүнө жараша олуттуу айырмаланат.

Канцелярия буюмдары

4-7 сом12 барак дептер
40-75 сом48 барак дептер
40-250 сомКүндөлүк
10-50 сомРучка
≈10 сомЖөнөкөй карандаш
70-280 сомТүстүү карандаштар
25-30 сомӨчүргүч
10-30 сомСызгыч

«Джунхай» базарында канцелярдык товарлар дүкөнүн жаңы ачкан ишкер Айзат Калил кызы, буга чейин башка чоң дүкөндө иштеген. Ал «Кабар» агенттигине берген маегинде, бул сезондо мектептик буюмдардын баасы өзгөрбөгөнүн айтты.

«Канцелярия былтыркыга салыштырмалуу кымбаттаган жок. Мен мурда чоң дүкөндө иштеп, эмне канча турганын билчүмүн. Бул жылы өз бизнесимди ачтым жана бааларды ошол бойдон кармап турам»
Айзат Калил кызы, ишкер