Бишкекте Улуттук педагогикалык форум өтөт: 12 жылдык окууга өткөн биринчи жылынын жыйынтыктары каралат

21–22-августта борбор калаа Бишкек шаарында Улуттук педагогикалык форум өтөт. Форумдун негизги максаты — 12 жылдык билим берүү системасына өткөн биринчи жылдын жыйынтыктарын талкуулоо.

Бул форумда министрлик жаңы окуу жылынын негизги багыттарын жана милдеттерин карайт. Анын ичинде билим берүү мекемелеринин инфраструктурасын өнүктүрүү, мектептерди жана бала бакчаларды куруу, оңдоо жана заманбап техникалык жабдууларды камсыздоо маселелери талкууланат.