Евробиримдикте мигранттарды интеграциялоо программаларынын катышуучуларынын саны 2029-жылга чейин төрт эсеге кыскарат. Бул тууралуу РИА Новости Европа эсеп палатасынын докладына таянып билдирди.
Маалыматка ылайык, AMIF (Башпаанек, миграция жана интеграция фонду) алкагында интеграцияга бөлүнгөн каражат 2014–2020-жылдардагы 911 миллион евролук деңгээлден 2021–2027-жылдарга 1,96 миллиард еврого чейин өскөн. Бирок башкаруу органдарынын божомолунда, интеграциялык иш-чаралардын катышуучуларынын саны 2022-жылдын аягындагы 9,7 миллиондон 2029-жылдын башында 2,5 миллионго чейин төмөндөйт — тактап айтканда, болжол менен 75% кыскарат.
AMIF программасынын катышуучулары
Евростаттын маалыматы боюнча, 2025-жылдын 1-январына карата Евробиримдикте биримдикке кирбеген өлкөлөрдүн болжол менен 30,6 миллион жараны жашаган. Демек, интеграциялык иш-чаралар ушул адамдардын жалпы санынын 8% гана камтыйт.
AMIF фонду тил курстарын, билим берүү иш-чараларын, консультацияларды, кесиптик багыт берүүнү жана башка чараларды каржылайт. Мындан тышкары, европалык жалпыга маалымдоо каражаттары интеграциялык программаларды каржылоодо улуттук жана жергиликтүү деңгээлде кыйынчылыктар бар экенин билдиришкен.
