Чүй облусунун аймагында Экологиялык жана техникалык көзөмөл кызматынын аймактык башкармалыгынын инспекторлору жаратылышты коргоо мыйзамдарынын аткарылышын камсыз кылуу үчүн рейддерди жүргүздү. Бул тууралуу Жаратылыш ресурстары, экология жана техникалык көзөмөл министрлиги билдирди.
Рейд учурунда балык уулоо үчүн тыюу салынган синтетикалык торлорду колдонуу фактысы аныкталган. Бул боюнча жалпы суммасы 16 500 сомду түзгөн 3 административдик протокол түзүлдү. Ошондой эле мыйзамсыз колдонулуп жаткан жалпы узундугу 1000 метр синтетикалык балык торлору кармалып алынды.
Рейддин жыйынтыгы
Мындан тышкары, аңчылык ишмердүүлүктүн мыйзамсыз жүргүзүлгөн учурлары да аныкталган. Алар боюнча дагы 3 административдик протокол түзүлүп, мыйзам бузуучуларга жалпы суммасы 37 500 сом өлчөмүндө айып пулдар белгиленген.
