Чаткалда кардан качып кутула албаган жети адамды куткаруу иши ийгиликтүү аяктады

Жалал-Абад облусунун Чаткал районундагы Кичи-Сандык жайлоосунда аба ырайынын кескин начарлашы жана катуу кар жаашына байланыштуу жети адам кардын пленине калып калган. Алар жер кен байытуу иштери менен алектенген жеке компаниянын кызматкерлери болуп чыкты.

Стористи көрүү

1. Чаткалда кардын арасында калган жети адамды куткаруу
2. Кырдаал кандай болду. Кичи-Сандык жайлоосунда катуу кар жаап, жер кен байытуу менен алектенген компаниянын жети кызматкери жолдор жабылып калган.
3. 7 адам — кардын арасында калган кызматкерлер
4. 11-ноябрь — Кардын арасында калган адамдар жөнүндө маалымат түштү; 12-ноябрь — Куткаруу иштерин улантуу үчүн 12 ат даярдалды; 13-ноябрь — Бардык адамдар ийгиликтүү эвакуацияланды
5. Биринчи күнү дрон жана унаа колдонулган, бирок жолдун оордугу жана караңгылык үчүн иштер ийгиликсиз аяктаган.

Кырдаал боюнча 11-ноябрда саат 15:25дө маалымат түшкөн. Каныш-Кыя айыл аймагынын Чандалаш аймагындагы жайлоодо алты эркек жана бир аял кардын арасында калып калган. Кардын көптүгүнен жолдор өткөрүлбөй калып, кызматкерлер өз алдынча чыга албай калышкан.

Өзгөчө кырдаалдар министрлигинин Чаткал райондук бөлүмүнүн башчысы, майор Т. Эгембердиевдин жетекчилиги астында үч куткаруучу кырдаал болгон жерге чыгышкан. Алар кызматтык унаа жана дрон колдонушкан, бирок жолдун оордугу жана караңгы түшкөнү үчүн алгачкы аракеттер ийгиликсиз болуп, куткаруучулар кайра кайтууга аргасыз болушкан.

Куткаруу иштерин Жалал-Абад облусу боюнча Өзгөчө кырдаалдар министрлигинин башкармалыгынын башчысы, полковник Ч. Шекенов координациялаган. Экинчи күнү, 12-ноябрда Кара-Шоро аймагында куткаруу операциясын улантуу үчүн 12 ат даярдалган.