Окуя бүгүн, 1-ноябрда, Фрунзе менен Молодая Гвардия көчөлөрүнүн кесилишиндеги көп кабаттуу үйдө болгонун Sputnik Кыргызстан тез жардам борборуна таянып билдирди.

Тез жардам борборунан билдиришкендей, кыздын канчанчы кабаттан кулаганы тактала элек. Бирок имарат 15 кабаттуу экени белгилүү.

Ал өтө оор абалда ооруканага жаткырылды. Жабырлануучу эс-учун билбей жатат, көптөгөн сыныктар жана баш мээсинин чайкалышы аныкталды.
Тез жардам борборунан билдиришти

Милиция кызматкерлери окуянын себептерин жана жагдайларын иликтеп жатышат. Окуя боюнча расмий маалымат кийинчерээк берилиши күтүлүүдө.