Бишкекте оор атайын техника кулап, Toyota унаасын басып калды

Бишкек шаарында олуттуу жол кырсыгы катталды. Фрунзе жана Суюнбаева көчөлөрүнүн кесилишинде оор атайын техника кулап, Toyota маркасындагы унааны басып калган. Бул тууралуу окуянын күбөлөрү билдиришти.

Kaktus.mediaнын билдирүүсүнчө, кырсык Президенттин иштер башкармалыгынын мурунку гаражы жайгашкан райондо болгон. Сүрөттөрдөн көрүнүп тургандай, чоң көлөмдөгү атайын техника капталына кулап, анын оор конструкциясынын бир бөлүгү кара түстөгү Toyota внедорожник унаасынын үстүнө түшкөн.