Бишкек мэриясынын маалыматы боюнча, «Аяр» реабилитациялык борборунда мончок менен иштөө аркылуу майда моториканы өнүктүрүүгө арналган пландуу мастер-класс болуп өттү.
Иш-чара мончок менен иштөөнүн практикалык көндүмдөрүн калыптандырууга, чыгармачылык жөндөмдү, көңүл бурууну, чыдамкайлыкты жана кыймылдардын координациясын өнүктүрүүгө багытталды.
Сабактын жүрүшүндө катышуучулар мончоктун өзгөчөлүктөрү менен таанышып, анын формаларын жана түстөрүн айырмалоону үйрөнүштү, ошондой эле мончок токуунун негизги ыкмаларын өздөштүрүштү.
Өзгөчө көңүл өз алдынчалыкты өнүктүрүүгө, өз күчүнө ишенүүнү жогорулатууга, стресстик кырдаалдарды жеңүү көндүмдөрүн калыптандырууга жана чыгармачылык иш аркылуу эмоционалдык эс алууга шарт түзүүгө бурулду.
Туруктуу негиздеги колдоо
Мындай сабактарды өткөрүү майда моториканы өнүктүрүүгө, чыгармачылык потенциалды ачууга, социалдык көнүгүүгө жана майыптыгы бар адамдардын коомдук турмушка активдүү катышуусун колдоого жардам берет.
«Аяр» реабилитациялык борбору майыптыгы бар адамдарды колдоого, социалдаштырууга жана жашоо сапатын жогорулатууга багытталган өнүктүрүүчү жана реабилитациялык иш-чараларды туруктуу негизде өткөрүп турат.
