Ош облусунун ички иштер башкармалыгынын билдирүүсүнө таянсак, Алай районунда өзүнүн жубайын өлтүргөн деп шектелген жигит кармалды.
2026-жылдын 21-ноябрында саат 12:00дө Алай райондук ички иштер бөлүмүнө дене жаракаттардан каза болгон жаран жөнүндө маалымат түшкөн. Бул окуя электрондук каттоо журналына катталган. Окуя болгон жерге Ош облусунун жана Алай райондук ички иштер бөлүмүнүн жетекчилиги, ошондой эле ыкчам-тергөө топтору келген.
Алдын ала маалыматтарга ылайык, 20-ноябрдан 21-ноябрга өткөн түнү Алай районундагы өз үйүндө 1989-жылы туулган М.Б. алкын ичкен абалда жубайы К.А. (1990-жылы туулган) менен чыр-чатакка киришкен. Учурда ал өзүнүн аялын өлтүрүп салганы аныкталган.
Жыйынтыгында КР Кылмыш-жаза кодексинин «Өлтүрүү» деген 122-беренеси боюнча кылмыш иши козголду. М.Б. ыкчам иш-чаралардын натыйжасында кармалып, убактылуу кармоо изоляторуна жабыштырылган.
Буга чейин үй-бүлөлүк чыр-чатактар боюнча жубайлар ички иштер органдарына кайрылышпаган. Учурда тиешелүү экспертизалар дайындалып, күбөлөрдөн суралуу жана тергөө иштери уланууда.












