Ысык-Көл облусунун Ак-Суу районундагы сырт аймагында жайгашкан Кайынды жайлоосуна баруучу көпүрөдө оңдоо иштери жүрүүдө. Бул жерге келерки жылы жаңы көпүрө куруу чечилди. Бул тууралуу Ак-Суу райондук мамлекеттик администрациясынын башчысынын биринчи орун басары Нуридин Мадимаров Turmush агенттигине билдирди.

Малиматка ылайык, бул аймак Хан-Тенири айыл аймагына кирет жана ал жерде 12 үй жашайт. Негизинен малчылар жашаган бул аймакта 16-ноябрда кырсык болгон.

Бул аймакта негизинен малчылар жашашат. Мисалы, 16-ноябрда жергиликтүү малчылардын бири көпүрө менен өтүп баратып, автоунаасы менен туруп калган. Мунун себеби суу көпүрөнүн жээктеринин бирин жууп кеткени болгон. Учурда көпүрөнү убактылуу калыбына келтирүү үчүн бир бирдик техника тартылды, тиешелүү кызматкерлер жерде иш алып барышууда. Ал эми келерки жылы долбоорду иштеп чыгуу жана жаңы көпүрө куруу пландалууда.
Нуридин Мадимаров

Азыркы учурда көпүрөнү иштетүү үчүн убактылуу чаралар көрүлүүдө, бирок маселени түпкүлүк менен чечүү үчүн жаңы объект курулат.