Президент Садыр Жапаров Тон жана Жети-Өгүз райондорунун тургундары менен жолугушууда полиэтилен пакеттерди колдонуу боюнча жаңы маалыматты бөлүштү. Анын айтымында, 2027-жылдын 1-январынан баштап бүткүл өлкө боюнча бул продукцияларды чыгарууга, сатууга жана акысыз таратууга тыюу салынат.

СторисӨлкөдө полиэтилен пакеттерге толук тыюу салынатСлайддар: 5
  1. Өлкөдө полиэтилен пакеттерге толук тыюу салынат
  2. Эмне болот. 2027-жылдын 1-январынан тарта бүткүл Кыргызстан боюнча полиэтилен пакеттерди чыгарууга, сатууга жана акысыз берүүгө тыюу салынат
  3. Себеби эмне. Бул чечим Иссык-Көл облусундагы экологияны коргоо боюнча пилоттук долбоордун негизинде кабыл алынды
  4. «Биздер кагаз пакеттерди чыгарууну жаңы эле, болжол менен эки ай мурун баштадык» — Эдиль
  5. Эмне өзгөрөт. Ишкерлер альтернативдик варианттарды, мисалы, крафт пакеттерди өндүрүүнү ишке ашыра башташкан

Иссык-Көл облусунда бул чечим 2023-жылы экологияны коргоо максатында пилоттук долбоор катары киргизилген. Бул чечимдин алкагында жергиликтүү ишкерлер альтернативдик варианттарды, мисалы, крафт пакеттерди өндүрүүнү ишке ашыра башташкан.

Биздер кагаз пакеттерди чыгарууну жаңы эле, болжол менен эки ай мурун баштадык. Ишкерлик багытыбыз Иссык-Көл облусун камтыган. Биз дүкөндөрдү кыдырып, түшүндүрүү иштерин жүргүзүп жатабыз. Бирок мамлекет тарабынан катуу көзөмөл болбосо... Биринчи жана экинчи жылдары баары тыюуларды сакташкан, бирок кийин адамдар башка нерселер менен алаксып, кайрадан целлофан пакеттерге өтүп кетишти.
Боконбаево айылынын тургуну, ишкер Эдиль

Президент экологиялык долбоорлорду колдоого даяр экенин белгилеп, ишкерлердин тажрыйбасы менен кызыкты. Ал мындай экологиялык багыттагы өндүрүштөрдү мамлекеттик деңгээлде колдоо көрсөтүлөрүн кошумчалады.

  1. 2023-жыл

    Иссык-Көл облусунда полиэтилен пакеттерди сатууга тыюу салуу пилоттук режимде киргизилди

  2. 2027-жыл, 1-январь

    Республика боюнча полиэтилен пакеттерди өндүрүүгө, сатууга жана акысыз берүүгө толук тыюу салынат