Борбордук шайлоо комиссиясы «Түндүк» мамлекеттик тиркемесинде жана «Кол тамга чогултуу» сайтында шарттуу талапкердин тесттик жазуусунун пайда болушуна байланыштуу кырдаалды түшүндүрдү. 2026-жылдын 18-ноябрында президенттик шайлоого даярдык көрүү максатында шайлоо инфраструктурасы жана маалыматтык системалар жалпы республикалык тестирлөөдөн өткөн.
«Кызмат» мамлекеттик мекемесинин жана «Түндүк» техникалык операторлорунун маалыматы боюнча, тестирлөө учурунда бир тесттик жазуу жаңылыштык менен Президенттикке талапкерлерди колдоо үчүн электрондук кол тамгаларды чогултуу сервисинде көрсөтүлүп калган. Бул техникалык ката ыкчам аныкталып, жоюлган.
Кайра текшерүүдөн ката маалыматтын экранда көрсөтүлүшүнө гана тиешелүү экени, ал эми системанын иш жүзүндөгү маалыматтарына, анын ичинде чыныгы талапкерлерди колдоо үчүн чогултулган электрондук кол тамгаларга таасир этпегени тастыкталган.
Кол тамга чогултуу менен добуш берүүнүн айырмасы
БШК эки башка шайлоо процедурасын так айырмалоону зарыл деп белгиледи. Электрондук кол тамгалар талапкерди каттоо үчүн гана керек.
Маанилүү көрсөткүчтөр
Мыйзамга ылайык, Президенттикке талапкер болуу үчүн кеминде 30 миң шайлоочунун кол тамгасын чогултуу шарт. Бирок бул кол тамгалар шайлоодогу добуш катары эсептелбейт жана жаранды кийин ошол талапкерге добуш берүүгө милдеттендирбейт.
«Түндүк» аркылуу кол тамгаларды чогултуу кызматы добуш берүү системасы болуп саналбай турганы жана чогултулган кол тамгалардын саны шайлоонун жыйынтыгына таасир этпейт»
Түз добуш берүү процесси 2027-жылдын 27-январында шайлоо участкаларында өтөт. Жарандар идентификациядан өткөндөн кийин бюллетень алып, жашыруун добуш беришет. Аралыктан добуш берүү учурунда да шайлоочу шайлоо участкасына жеке өзү келүүгө тийиш.










