Шопоков шаарынын тургуну Сабыржан Батыркулов Lahore Steel Mills заводунун айланадагы чөйрөгө жана жашоочулардын ден соолугуна келтирген зыяны тууралуу айыптёт. Анын айтымында, заводдун иштешинен улам аба өтө булганып, айлана-чөйрө жабыркап жатат.
Биздин Президент С. Жапаров Сокулук районунун тургундары менен жолугууга келди. Президентке суроо берип, көйгөйүбүздү айткым келген. Бирок адамдар абдан көп болгондуктан, кире алган жок.
Батыркуловдун маалыматы боюнча, завод мурунку бийлик учурунда келген чет элдик инвесторлор тарабынан курулган. Ал учурда жергиликтүү мэр мамлекеттик кызматкерлерди, мугалимдерди жана башка адамдарды чогултуп, элдин макулдугун алуу максатында кагазга кол койдурган. Алгачкы 2-3 жыл бою эч кандай көйгөй болбосо, кийинчерээк заводдун зыяны сезиле баштаган.
Жайкысын терезени ачып уктап болбойт. Аба өтө булганып кеткен. Өсүмдүктөр жаман өсүп жатат. Экологияга зыян келип жатат. Биздин балдар ооруп жатышат.
Тургунунун айтымында, акият жана экотехникалык инспекция бир нече жолу текшерүү жүргүзүп, айып пулдарды жазып беришкен, бирок көйгөй чечилген эмес. Ошондой эле, Сабыржан Батыркулов президента Садыр Жапаров Сокулук районунун тургундары менен жолугууга келгенде, маселесин айтып берүүнү каалаган, бирок элдин өтө көптүгүндөн улам Президентке жакындап келе алган эмес.
