Оштун туучусу Рахманберди Хакимов өзүнүн 2,5 миллион сомго кепилдикке коюлган үйүн уруксатысыз башка адамга которулганын билдирди. Бул маалыматты адвокат Валишер Алиев 15-октябрьдеги пресс-конференцияда берген. Анын айтымыша, кепилдикке коюлган үй Хакимовго кайрылган жаран Р.Ш. тарабынан алынып калган.
Адвокат Алиевдин айтымыша, Хакимовго кепилдикке алынган үй, Р.Ш. жаран тарабынан тааныштары жана «Кадастр» кызматкерлеринин жардамы менен сатуу келишими аркылуу өзүнө которулган. Рахманберди Хакимов бул келишим жөнүндө үч жылдан кийин билген жана укук коргоо органдарына кайрылганда басым жаралып жатканын айтты.
Кантип түшүнүү керек?
Адвокат Алиев, 18 киши жашаган үй 2,5 миллион сомго кантип которулганын суроо кылып, Р.Ш. тарабынан өзүнүн тааныштары аркылуу органдарга басым жасап жатканын жана кылмыш иши ачылбаганын белгиледи. Ушул себептен алар Президентке кайрылып жатканын кошумча маалыматта берди.
Хакимов өзүнүн кепилдикке коюлган үйү башка адамга которулганы тууралуу кийин билгенин айтты. Анын үйүндө жашаган бардык туугандары сыртка чыгарылып, азыр турак жайды башка жаран ээлеп жатканын белгиледи.
