24.kg медиасынын штаттан тышкаркы корреспонденти Нуржамал Ганыева менен Ош ИИБде болгон инцидент боюнча текшерүү иштери узарып жатат. Бул убакыт ичинде тергөө органдары кылмыш ишин козгоодон үч жолу баш тартуу чечимин кабыл алган. Бирок прокуратура бул токтомдордун баарын жокко чыгарып, тергөөчүнүн иш-аракеттерине байланыштуу нарушенияларды жоюу боюнча Мамлекеттик коопсуздук кызматтына сунуш киргизди.

Башка мамлекеттик органдардын текшерүүлөрү тез арада билдирүү жөнөтүүдөгү кемчиликтерди жана зордук-зомбулукту медициналык жактан документтештирүүдөгү мүчүлүштүктөрдү аныктады.

11-апрелде эмне болгон?

2026-жылдын 11-апрелинде журналист Нуржамал Ганыева «Визион Групп» курулуш компаниясынын иштери боюнча жарандардын милицияга карата арыздарын изилдөө үчүн Ош ИИБге келген. Ал учурда кызматкерлер башкаруунун аймагында боеприпас бар экенин айтып, видеожазганды токтотууну талап кылышкан.

Окуя учурунда бир нече кызматкер журналистти курчоо менен, анын денесине макулсуз тийип, түртүп, видео тартууга тоскоол болгон. Журналисттин өзүнүн видеожазган кадрларында анын пиджагынан кармап, башка адамдардын алдында четке түртүп жатканы көрүнөт. Инцидентден кийин анын абалы начарлап, медициналык жардам сураган. Тез жардам редакциянын кайрылуусунан кийин болжол менен эки сааттан кийин келген.

  1. 2026-жыл, 11-апрель

    Журналист Ош ИИБге келгенде кызматкерлер тарабынан тоскоолдуктар жана түртүүлөр болгон

  2. Текшерүү учурунда

    Тергөөчүлөр кылмыш ишин козгоодон үч жолу баш тартышкан

  3. Акыркы жыйынтык

    Прокуратура баш тартуу чечимдерин жокко чыгарып, МККга сунуш киргизген